Ширин Амонзода: «Ба Тоҷикистон беш аз 1,2 миллион нафар сайёҳони хориҷӣ ташриф овардаанд, ки дар қиёс ба соли 2018-ум 21,5 фоиз зиёд аст»

ЛОИҲАИ “РУШДИ ИҚТИСОДИЁТИ ДЕҲОТ” АЗ ҶОНИБИ НАМОЯНДАГОНИ БОНКИ УМУМИҶАҲОНӢ МУАРРИФӢ ГАРДИД
February 5, 2020
Коршинос аз Германия ба ислоҳот ва имтиёзҳо дар соҳаи сайёҳӣ дар Тоҷикистон баҳои баланд дод
February 13, 2020
Show all

Ширин Амонзода: «Ба Тоҷикистон беш аз 1,2 миллион нафар сайёҳони хориҷӣ ташриф овардаанд, ки дар қиёс ба соли 2018-ум 21,5 фоиз зиёд аст»

Соли гузашта ба Тоҷикистон  беш аз 1,2 миллион нафар сайёҳони хориҷӣ  ташриф овардаанд, ки ин омор  дар қиёс ба соли 2018   219,7 ҳазор нафар ё 21,5 фоиз зиёд аст.

Раиси тозатаъйини Кумитаи рушди сайёҳии назди Ҳукумати Ҷумҳурии Тоҷикистон  Ширин  Амонзода 7 феврал дар ҷамъи хабарнигорон дар Душанбе гуфт, ки ба бистгонаи кишварҳое, ки шаҳрвандонашон ба ҳайси сайёҳ ба Тоҷикистон  ташриф овардаанд, давлатҳои Ӯзбекистон, Россия, Беларус,  Қирғизистон, Қазоқистон, Туркманистон, Туркия, Чин, Афғонистон,  Молдова, Канада,  Корея, Япония, Италия, Франсия, Германия, Британияи Кабир, Ҳиндустон, Амрико ва Корея   шомил мебошанд. Бо назардошти иқтидор ва захираҳои бои сайёҳие, ки дар Тоҷикистон мавҷуданд, сайёҳони хориҷӣ бештар ба намудҳои саёҳати   экологӣ-кӯҳнавардӣ ва таърихию фарҳангӣ  майл доранд.

Ширин Амонзода афзуд, ки ба сайёҳони дохилию хориҷӣ 282 объекти хизматрасонии сайёҳӣ, аз қабили меҳмонхона, осоишгоҳу истироҳатгоҳ, ҳостел, маҷмааҳои сайёҳӣ, ки фарогири қариб панҷ ҳазор нафар корманд мебошанд, хизмат расонидаанд.

Гуфта шуд, ки бо мақсади таъмини иҷрои Амри Президенти Ҷумҳурии Тоҷикистон оид ба эълон гардидани солҳои 2019 — 2021 ҳамчун Солҳои рушди деҳот, сайёҳӣ ва ҳунарҳои мардумӣ баҳри рушди соҳаи сайёҳӣ, бахусус инфрасохтори он ҳамкорӣ бо ниҳодҳои байналмилалии молиявӣ тақвият дода шуда, ҷалби маблағҳои грантӣ аз Бонки ҷаҳонӣ дар ҳаҷми 15 миллион доллари амрикоӣ барои татбиқи Лоиҳаи «Рушди иқтисодиёти деҳот» ва Бонки осиёии рушд ба андозаи 10 миллион доллари амрикоӣ барои татбиқи Лоиҳаи «Рушди соҳаи сайёҳӣ» роҳандозӣ мегардад.

Бо дахли омода намудани мутахассисон дар бахши сайёҳии мамлакат  Ширин Амонзода зикр намуд, ки алҳол дар 14 муассисаи олии касбии ҷумҳурӣ  беш аз 2 ҳазор нафар ва 550 нафар дар коллеҷҳо аз рӯи 16 ихтисоси соҳаи сайёҳӣ ба таҳсил фаро гирифта шудаанд.

Зикр гардид, ки Кумитаи рушди сайёҳии назди Ҳукумати Ҷумҳурии Тоҷикистон фаъолияти худро тибқи қонунгузории Ҷумҳурии Тоҷикистон дар доираи Солҳои рушди деҳот, сайёҳӣ ва ҳунарҳои мардумӣ, Нақша чорабиниҳои «Стратегияи рушди сайёҳӣ барои давраи соли 2030, барои солҳои 2019 -2022» ва «Барномаи рушди сайёҳӣ барои солҳои 2018-2020» ба роҳ мондааст.

Рисолати Кумита ба рушди соҳаи сайёҳӣ, муаррифии шоистаи имкониятҳои сайёҳии мамлакат дар дохил ва хориҷи ҷумҳурӣ, эҳё ва рушди ҳунарҳои мардумӣ, беҳтар гардидани симои сайёҳии Ватанамон дар арсаи байналмилалӣ ва ҷалби сармоя ба рушди инфрасохтори соҳа нигаронида шудааст.

Facebook95
Facebook
YouTube45
Instagram381