Боғи Ғалаба

Боғи Ғалаба дар ноҳияи Шоҳмансури шаҳри Душанбе ҷойгир мебошад.

Боғи Ғалаба соли 1975 ба муносибати 40-солагии Ғалаба бар Олмони фашистӣ бунёд гардидааст. Ин боғ бо лоиҳаи меъморон Б.А. Зуҳурдинов, А.М. Шербинин, ҳайкалтарош Д.Б. Рябичев сохта шудааст.

Даромадгоҳи асосии боғ ба сӯи ёдгориҳо аз кӯчаи «Дӯстии Халқҳо» сар шуда, ба воситаи кӯчабоғи зинапоядори сайругаштӣ ба маркази боғ — майдони намоиш ва оташи абадӣ мерасад. Муаллифон маҷмааро чунон моҳирона эҷод кардаанд, ки тамоми маҷмаа аз тарафи шаҳр, кӯчаҳо, майдонҳову минтақаҳои алоҳидаи он хеле хуб дида мешавад. Меъморон ҳангоми кашидани лоиҳа нақшаи аниқи ҳаракати тамошобинонро фикр кардаанд.

Маҷмааи Боғи Ғалаба бо зебоии меъморӣ дар Осиёи Марказӣ беназир аст ва дар тарбияи ҳарбӣ-ватандӯстии ҷавонон саҳми арзанда дорад. Дар ин ҷо ҳамасола 9 май намоиши паради ҳарбӣ баргузор мешавад. Боғи Ғалаба ҷойи дӯстдоштаи сокинони шаҳри Душанбе ва ноҳияҳои гирду атрофи он мебошад

Дар гирду атрофи Боғи Ғалаба қаҳвахона, марказҳои хизматрасонӣ ва савдо ва мабраз мавҷуд аст, ки меҳмонон метавонанд истифода намоянд.

Uncategorized

Сайёҳии зиёратӣ

Туризми зиёратӣ дар Тоҷикистон як навъи сайёҳист, ки бо зиёрати макон ва зиёратгоҳҳои динӣ алоқаманд аст. Дар Тоҷикистон чунин ҷойҳо зиёданд, ки сайёҳон аз тамоми

Муфассалтар »
Мехмонхонахо

Bakhoriston Sanatorium 3*

Меҳмонхонаи «Баҳористон» дар шаҳри Қайроққум ҷойгир аст. Он дорои маркази фитнесс, боғ, утоқи муштарак ва тарабхона мебошад. Ин меҳмонхонаи 3-ситорадор дорои ҳавзи мавсимии беруна ва

Муфассалтар »
Вилояти Хатлон

Мақбараи Шоҳи Хомӯш

Мақбараи Шоҳи Хомӯш ёдгории таърихию меъмории асри XV-XVI буда. дар деҳаи Лангари ноҳияи Мӯъминобод ҷойгир шудааст. Номи Шоҳи Хомуш дар бисёр маъхазҳои таърихӣ аз асри

Муфассалтар »